ქარი ქრის ძლიერ, ჭექაქუხილი
თავს დაატყდება ეულ მოგზაურს.
ქარბუქი, წვიმა კოკისპირული
ბოგინობს ძლიერ და ძლიერად ქუხს!
არსით სინათლე ბნელ უკუნეთში
არ ჩანს, არ ბჟუტვენ ლამპიონები,
მხოლოდ სიბნელე, მხოლოდ სიშავე
და დანგრეული ძველი ქოხები.
ყოფილა ოდეს ალტერნატივა,
სიცოცხლის ხიბლი ამ ძველს ქოხებში,
მაგრამ უეცრად ბნელი ღრუბლები
ჩამოწოლილან შმაგის ფიქრებში.
აღარც ფიქრები, აღარც ოცნება
აღარ აქვს ამ ჩვენს შმაგქმნილ მოგზაურს.
ქარბუქი წვიმა კოკისპირული
ბოგინობს ძლიერ და ძლიერად ქუხს!
No comments:
Post a Comment