წვიმს ისე თითქოს არ უწვიმია,
თითქოს არასდროს აგრილებულა.
წვიმს ისე,როგორც არასდროს წვიმდა
და ზაფხულის მზე აბუებულა.
აყვავებულა ეზოში ია,
ვარდიცა ხარობს, ენძელაც, კალაც.
წვეთები ფოთლებს სიცოცხლეს ჰმატებს,
ისევ მაგრად წვიმს, ისევ წვიმს კვლავაც.
დაიწკმუტუნა ცუგამა ხის ქვეშ,
სულ აბურძგვნია თავისი ბეწვი.
ყველა დაუფრთხობს ივლისის წვიმას,
ზაფხულის მზეც კი გამხდარა უტყვი.
წვიმს ისე თითქოს არ უწვიმია,
თითქოს არასდროს მოსულა წვიმა.
მაინც იწვიმა ამ ზაფხულის დღეს
და აისრულა ნანატრი გულმა.
გიორგი ჩაჩხიანი
No comments:
Post a Comment