სალომე გორდულაძეს !

სალომე გორდულაძეს !

შენს მომხიბვლელ სახეს დღემდე ვერ ვივიწყებ,

მახსოვს ერთ დროს საწოვრითა რომ დარბოდი,

მაგ კულულებს აქეთ-იქით რომ აქნევდი,

ბედნიერი არაფერზე არ დარდობდი.

შენთან ერთად ბევრჯერ კარგად ვერთობოდი,

ვთამაშობდით, ბაბუს ერთად ვუმღეროდით,

შენთან სიცილს არაფერი არ მერჩივნა,

ღამის შიშით ერთმანეთს რომ ვეხვეოდით.

მახსოვს, ერთხელ ახალ წელს რომ ერთად შევხვდით,

ბედნიერი ბევრ საჩუქარს რომ ელოდი,

ასე ძლიერ რომ გიყვარდა თოჯინები

და მამიკოს გაბადრული შესცქეროდი.

ბევრმა ქარმა ჩაიქროლა იმის შემდეგ,

მაგრამ შენს სულს ვერ შეეხო ქარბორბალა,

მინდა გითხრა, ისეთივე კეთილი ხარ,

როგორც უწინ, ჩემო კარგო დედოფალა.

გიორგი ჩაჩხიანი