(წ.ს.-ს)
იმ ღამით, როცა სიზმრად გიხილე
მე უჩვეულოდ ძლიერ მიყვარდი.
გული მიძგერდა, სული შფოთავდა
და მონატრების მორევს ჩავვარდი.
მონომანიად იქეცი იმ წამს,
ისე მინდოდა გვერდით მყოლოდი,
რომ შენთან ყოფნის თითოეულ წამზე
მთელი ცხოვრების წუთებს გავცვლიდი.
იმ ღამით მივხვდი რომ უშენობა
არ შემიძლია, წუხილი მიპყრობს,
დავთმობდი შენთვის განვლილ ცხოვრებას
და მომავალის ხასხასა მინდორს.
გიორგი ჩაჩხიანი
No comments:
Post a Comment